కేంద్రాన్ని నిలదీస్తాం

మార్చి 5వ తేదీ నుంచి జరిగే బడ్జెట్ సమావేశంలో అనేక అంశాలు అమలు కాలేదని, పెద్ద ఎత్తున కేంద్రాన్ని నిలదీయాలని చర్చించామన్నారు సీఎం కేసీఆర్. రాష్ట్ర విభజన సందర్భంగా ఇచ్చిన హామీలు అమలు కాలేదన్నారు. రిజర్వేషన్లను కేంద్రం దగ్గరపెట్టుకోవడం సరికాదని, ఎన్నిసార్లు రిక్వెస్ట్ చేసినా..కేంద్రం నుంచి సరైనా క్లారిటీ రాలేదన్నారు. కేంద్రం తీరుపై పోరాడాలని నిర్ణయించామన్నారు.

70 సంవత్సరాల స్వాతంత్య్రం తర్వాత  ఈ రిజర్వేషన్లు కేంద్రం దగ్గర పెట్టుకోవడం కరెక్ట్ కాదని.. శాసన సభలో తీర్మానం చేసినప్పుడు  ఈ మాట బలంగా చెప్పి పంపించామన్నారు. ఉద్యోగాలు, విద్యా అవకాశాలు ఇచ్చే రిజర్వేషన్లను మా రాష్ర్టాల పరిధిలో ఇస్తున్నం కాబట్టి కేంద్రం నుంచి అడుగుతలేమని..  అది మీదగ్గర పెట్టుకోకండి అని చెప్పా మన్నారు. దాని మీద స్పందన లేదు. లేకపోగా.. సేమ్ అదే పాత పద్ధతిని కొనసాగిస్తామని కేంద్రం చెబుతున్నదని… ఈ విషయంపై కూడా పెద్ద ఎత్తున పోరాటం చేస్తమన్నారు. రిజర్వేషన్ల గురించి సుప్రీం కోర్టు చెప్పినట్లుగా రాజ్యాంగ సవరణ చేయొచ్చు. పెద్ద కష్టమేమి కాదు. దేశ వ్యాప్తంగా ఉన్న డిమాండే అది. కేంద్ర ప్రభుత్వం అనుకుంటే ఆర్టికల్ 16ను సవరణ చేయొచ్చు. బిల్లు కూడా పాస్ అవుతుంది. కాకపోతే కేంద్రం తన పెత్తనాన్ని వదులుకోవడానికి సిద్ధంగా లేదు. వాళ్ల గుప్పిట్లో పవర్ పెట్టుకోవాలని కూర్చుంటున్నదన్నారు సీఎం.

నరేగాను వ్యవసాయానికి అనుసంధానం చేయాలని ఎంపీలు పోరాటం చేస్తారని, బయ్యారం ఉక్కు ఫ్యాక్టరీ.. ఎయిమ్స్..కాజీపేట రైల్వే కోచ్ లాంటి విషయాల్లో కేంద్రాన్ని నిలదీస్తామన్నారు. తెలంగాణలో అనేక పథకాలు ప్రవేశపెట్టి, దేశంలోనే గర్వించతగ్గ రాష్ట్రంగా తెలంగాణ ఉందన్నారు. తమ స్కీములో గోప్యంగా ఉండవని..ప్రజలకు తెలిసేలా ఉంటాయన్నారు. ప్రతి విషయంలో క్లారిటీ ఉంటుందని, పట్టాదారు పాస్ పుస్తకాలు..కేసీఆర్ కిట్, కల్యాణలక్ష్మీ లాంటి పథకాలు ఎంతో ఉపయోగపడుతాయన్నారు సీఎం కేసీఆర్.

అస్టిస్టెంట్ ప్రొఫెసర్ పోస్టుకు Phd తప్పనిసరి

అసిస్టెంట్‌ ప్రొఫెసర్‌ పోస్టుకు పీహెచ్‌డీని యూనివర్సిటీ గ్రాంట్స్‌ కమిషన్‌(UGC) తప్పనిసరి చేసింది. 2021 జూలై 1 తరువాత చేపట్టే నియామకాలకు ఈ నిబంధన వర్తిస్తుందని పేర్కొంది UGC. అసిస్టెంట్‌ ప్రొఫెసర్‌ పోస్టుల్లో పదోన్నతికీ Phd ఉండాలని స్పష్టం చేసింది. కాంట్రాక్టు, ఔట్‌ సోర్సింగ్, తాత్కాలికం.. పేరేదైనా ఉన్నత విద్యా సంస్థలకు మంజూరైన పోస్టుల్లో తాత్కాలిక సిబ్బంది 10 శాతానికి మించకూడదు. ఈ మేరకు వర్సిటీలు, ప్రభుత్వ, ప్రైవేటు ఉన్నత విద్యా సంస్థల్లో బోధన సిబ్బంది నియామకాలకు సరికొత్త నిబంధనలు రూపొందించింది యూనివర్సిటీ గ్రాంట్స్‌ కమిషన్‌.

సీనియర్‌ ప్రొఫెసర్, ప్రొఫెసర్, అసోసియేట్, అసిస్టెంట్‌ ప్రొఫెసర్లు, ప్రిన్సిపాల్‌ తదితర పోస్టుల భర్తీ, పదోన్నతులు, అర్హతలు, పనిదినాలు, అకడమిక్‌ అంశాలన్నింటిని పరిగణలోకి తీసుకొని మార్గదర్శకాలను రూపొందించింది UGC. ఈ అంశాలపై ఈ నెల 28లోగా అభిప్రాయాలు తెలపాలని వర్సిటీలు, కాలేజీలను కోరింది. అభిప్రాయ సేకరణ తరువాత తుది మార్గదర్శకాలను జారీ చేసి అమల్లోకి తీసుకొచ్చేందుకు ఏర్పాట్లు చేస్తోంది. రాష్ట్రంలోని వివిధ వర్సిటీల్లో త్వరలో భర్తీ చేయనున్న 1,061 పోస్టులకూ ఈ నిబంధనలు పరిగణనలోకి తీసుకునే అవకాశం ఉంది.

మార్గదర్శకాల్లోని ప్రధానాంశాలు

*  ప్రొఫెసర్, అసోసియేట్‌ ప్రొఫెసర్‌ పోస్టుకు దరఖాస్తు చేసే వారికి పీహెచ్‌డీ  ఉండాలి.
*    అసిస్టెంట్‌ ప్రొఫెసర్‌ పోస్టుకు పోస్టు గ్రాడ్యుయేషన్‌లో 55 శాతం మార్కులుండాలి. అలాగే నెట్, స్లెట్, సెట్, పీహెచ్‌డీలలో ఒక అర్హత ఉండాలి.
*  1991 సెప్టెంబర్‌ 19కి ముందు పీహెచ్‌డీ చేసిన వారికి పీజీలో 50% మార్కులున్నా సరిపోతుంది. ఎస్సీ, ఎస్టీ, వికలాంగులకు 50 శాతం మార్కులున్నా చాలు.
*    2021 జూలై 21 తరువాత అసిస్టెంట్‌ ప్రొఫెసర్‌ పోస్టుకు దరఖాస్తు చేసుకోవాలంటే పీహెచ్‌డీ ఉండాల్సిందే.
*  విద్యా సంస్థలో మంజూరైన మొత్తం పోస్టుల్లో తాత్కాలిక అధ్యాపకులు 10 శాతానికి మించకూడదు.
*    పేరేదైనా తాత్కాలిక పద్ధతిలో పని చేసే అధ్యాపకులకు రెగ్యులర్‌ అధ్యాపకులతో సమానంగా వేతనమివ్వాలి.
*   కనీసం 180 పని దినాలు అమలు చేయాలి. వారంలో 6 రోజుల పనిదినాలు ఉంటే.. విద్యా సంవత్సరంలో 30 వారాలు ప్రధాన బోధన కొనసాగించాలి.
*    మిగిలిన సమయంలో 12 వారాలు ప్రవేశాలు, పరీక్షల నిర్వహణ, పాఠ్య కార్యక్రమాలు, స్పోర్ట్స్, కాలేజ్‌డే కార్యకలాపాలకు కేటాయించాలి.
*    8 వారాలు సెలవులు, 2 వారాలు ప్రజా సెలవులకు కేటాయించాలి.
*    వారంలో 40 గంటలకు తక్కువ కాకుండా పనిదినాలు ఉండాలి. రోజుకు 7 గంటలు అధ్యాపకులు కాలేజీలో ఉండాలి.
*    విద్యార్థులకు వివిధ అంశాలపై మార్గదర్శనం కోసం 2 గంటలు కేటాయించాలి. కమ్యూనిటీ డెవలప్‌మెంట్, సాంస్కృతిక, గ్రంథాలయ కార్యక్రమాలకు సమయమివ్వాలి. ప్రతి 15 మంది విద్యార్థులకు ఒక లెక్చరర్‌ను కోఆర్డినేటర్‌గా నియమించాలి.

అసిస్టెంట్‌ ప్రొఫెసర్‌ భర్తీలో..

-అకడమిక్‌ స్కోర్‌కు 80 మార్కులు
-రీసెర్చ్‌ పబ్లికేషన్స్‌కు 10 మార్కులు
-బోధన అనుభవానికి 10 మార్కులు
-మొత్తంగా 100 మార్కులు

అకడమిక్‌ స్కోర్‌లో గరిష్టంగా ఇచ్చే మార్కులు

♦డిగ్రీలో 80 శాతానికి పైగా మార్కులొస్తే.. 15 మార్కులు
♦ 60 నుంచి 80 శాతం లోపు ఉంటే.. 13 మార్కులు
♦55 నుంచి 60 శాతం లోపు ఉంటే.. 10 మార్కులు
♦ పీజీలో 80 శాతానికి పైగా మార్కులొస్తే.. 28 మార్కులు
♦ 60 నుంచి 80 శాతం లోపు ఉంటే.. 25 మార్కులు
♦ 55 నుంచి 60 శాతం లోపు ఉంటే.. 20 మార్కులు
♦ ఎంఫిల్‌లో 60 శాతానికి పైగా మార్కులొస్తే.. 7 మార్కులు
♦ 55 నుంచి 60 శాతం లోపు మార్కులుంటే 5 మార్కులు
♦ పీహెచ్‌డీకి 30 మార్కులు
♦ నెట్, జేఆర్‌ఎఫ్‌ ఉంటే 7 మార్కులు
♦ నెట్‌/సెట్‌/స్లెట్‌ ఉంటే 5 మార్కులు

అలా అయితే జియోకు కష్టాలే

రిల‌య‌న్స్ జియోకు క‌ష్టాలు ఇప్పుడు అప్పుడే వీడ‌న‌ట్లు క‌నిపిస్తోంది. ఇప్ప‌టికే మరోటెలికాం సంస్థ భార‌తీ ఎయిర్‌టెల్ జియో నిబంధ‌న‌లు ఉల్లంఘిస్తోంద‌ని ట్రాయ్ వ‌ద్ద మొర్ర‌పెట్ట‌గా.. ఆ సంస్థ‌కు చేదు అనుభ‌వ‌మే మిగిలింది. జియో ఆఫర్లు నిబంధ‌న‌ల‌కు లోబ‌డే ఉన్నాయ‌ని ట్రాయ్ తెలిపింది. అయినా ఎయిర్‌టెల్ మాత్రం త‌న పోరాటం ఆప‌లేదు. తాజాగా జియోపై కాంపిటీష‌న్ క‌మిష‌న్ ఆఫ్ ఇండియాకు(సీసీఐ) ఫిర్యాదు చేసింది. జియో దీర్ఘ‌కాలంలో లాభాల‌ను ఆర్జించేందుకు నిబంధ‌న‌లు ఉల్లంఘించి వినియోగ‌దారుల‌కు ఆఫ‌ర్లు ప్ర‌క‌టిస్తోంద‌ని, టెలికాం మార్కెట్‌ను అక్ర‌మంగా శాసించాల‌ని చూస్తోంద‌ని ఎయిర్‌టెల్ సీసీఐకు ఫిర్యాదు చేసింది. దీనివ‌ల్ల టెలికాం సంస్థ‌ల మ‌ధ్య నెలకొన్న ఆరోగ్య‌క‌ర‌మైన పోటీత‌త్వానికి హాని చేకూరుస్తోంద‌ని పేర్కొంది. ముందుగా ఉచిత డేటా వాయిస్ కాలింగ్ ఆఫ‌ర్స్ ఇచ్చి ఆ త‌ర్వాత మార్కెట్‌లో టెలికాం ప్రొవైడ‌ర్లు లేకుండా చేసి, మెజార్టీ మార్కెట్ త‌న గుప్పిట్లోకి వ‌చ్చాక వాయిస్ కాలింగ్ ఛార్జీలు విధించాల‌నే ప్ర‌ణాళిక జియో ర‌చిస్తోంద‌ని ఎయిర్‌టెల్ సంస్థ వెల్ల‌డించింది. ఎయిర్‌టెల్ ఇచ్చిన ఫిర్యాదును త్వ‌ర‌లోనే సీసీఐ విచార‌ణ జ‌ర‌ప‌నుంది. విచార‌ణ‌లో భాగంగా ఎయిర్‌టెల్ చేసిన ఆరోప‌ణ‌లు నిజ‌మ‌ని తేలితే జియోకు క‌ష్టాలు త‌ప్ప‌వ‌నే చెప్పొచ్చు. ఉచిత ఆఫర్ పైనా ప్రభావం చూపించే అవకాశం లేకపోలేదు. మార్చి తర్వాత సరికొత్త ఆఫర్స్ తో జియో రానున్నట్లు ఇప్పటికే సంకేతాలు వచ్చాయి. రిలయన్స్ గ్యాస్ సిలిండర్ ను కూడా జియో కస్టమర్లకు యాడ్ చేయనున్నట్లు ప్రచారం జరుగుతుంది. ఈ క్రమంలోనే ఎయిర్ టెల్ వ్యూహాత్మకంగా జియోను ఎదుర్కోవాలని అడుగులు వేస్తోంది. ఎయిర్ టెల్ ఆరోపణలు, విమర్శల్లో ఏ మాత్రం వాస్తవం ఉన్నట్లు విచారణ కమిషన్ అభిప్రాయపడినా.. ఉచిత ఆఫర్ పై ప్రభావం పడనున్నట్లు మార్కెట్ వర్గాలు అంచనా వేస్తున్నాయి.

పానీపూరీలో టాయ్‌లెట్ క్లీన‌ర్

ఫాస్ట్ ఫుడ్ పేరుతో ప్ర‌జ‌ల ఆరోగ్యాల‌తో చెల‌గాటం ఆడుకుంటున్నారు కొంద‌రు ఫాస్ట్ ఫుడ్ య‌జ‌మానులు. నిబంధ‌న‌ల‌ను అతిక్ర‌మించే కేవ‌లం డ‌బ్బే ప‌ర‌మావ‌ధిగా భావిస్తున్న కొంద‌రు క‌నీస ఆహార భ‌ద్ర‌త‌ను పాటించ‌డం మ‌రిచిపోతున్నారు. తాజాగా గుజ‌రాత్‌లో పానీపూరి అమ్మేవాడు అందులో టాయ్‌లెట్ క్లీన‌ర్ క‌లుపుతున్న‌ట్లు ఆహార ప‌రీక్ష ల్యాబ‌రేట‌రీ అధికారులు ధృవీక‌రించారు.

అహ్మ‌దాబాద్‌కు చెందిన చేత‌న్ నాంజీ అనే వ్య‌క్తి పానీపూరీ సెంట‌ర్‌ను న‌డుపుతున్నాడు. పానీపూరీ టేస్ట్ వేరుగా ఉండ‌టంతో అక్క‌డి స్థానికులు చేత‌న్‌ను నిల‌దీశారు. వారిపై  మాట‌ల‌తో ఎదురుదాడికి దిగాడు. పానీపూరీలు అమ్మ‌గా మిగిలిన వ్య‌ర్థాన్ని అంతా రోడ్డుపైనే పోసి పాద‌చారుల‌కు తీవ్ర ఇబ్బంది క‌లిగించేవాడు. దీంతో స్థానికులు అహ్మ‌దాబాద్ మున్సిప‌ల్ కార్పోరేష‌న్ అధికారుల‌కు ఫిర్యాదు చేశారు. రంగంలోకి దిగిన అధికారులు ప‌లుమార్లు హెచ్చ‌రించిన‌ప్ప‌టికీ చేత‌న్ తీరు మార‌క‌పోవ‌డంతో మున్పిప‌ల్ అధికారులు పానీపూరీల‌ను, అందులోకి వినియోగించే నీటిని ఫుడ్ టెస్టింగ్ ల్యాబొరేట‌రీకి పంపించారు.

పానీపూరీని ప‌రీక్షించిన ఫుడ్ టెస్టింగ్ ల్యాబొరేట‌రీ చేత‌న్ టాయ్‌లెట్ క్లీనర్ వాడిన‌ట్లు నిర్ధారించింది. టాయ్‌లెట్ క్లీన‌ర్‌లో వినియోగించే ఆక్సాలిక్ యాసిడ్ అధిక‌మోతాదులో ఉండ‌టంతో చేత‌న్ బుక్ అయ్యాడు. స్థానిక కోర్టు 6నెల‌లు జైలు శిక్ష విధించింది.

పోలీసులకు మరో కొత్త బైక్

తెలంగాణ పోలీసులకు మరో కొత్త బైక్ అందుబాటులోకి వస్తోంది. ఇప్పటికే అత్యాధునిక హంగులతో ఇన్నోవాలను పోలీస్ శాఖకు ఇచ్చిన ప్రభుత్వం.. తాజాగా మరింత టెక్నాలజీతో బైక్ లను ఇవ్వాలని డిసైడంది. మూడున్నర లక్షల విలువై హార్లీ డెవిడ్ సన్ కు చెందిన రీగల్ రాప్టర్ బైక్ లను సిద్ధం చేసింది.

బైక్ ప్రత్యేకతలు..

… ఫస్ట్ ఎయిడ్ కిట్

… GPRS సిస్టమ్ ఉంటుంది. వెళ్లాల్సిన స్పాట్, ట్రాఫిక్ రద్దీ ఎప్పటికప్పుడు తెలుసుకుంటూ వెళ్లాల్సిన గమ్యాన్ని చూపిస్తోంది.

… బైక్ లో మైక్ సెట్, మౌంత్ పీస్, వైర్ లెస్ సెట్, రెస్క్యూ ఆపరేషన్ కిట్, సీసీ కెమెరాలు ఫీడ్ చూసుకునే అవకాశం ఉంటుంది.

… ప్రస్తుతం 10 బైక్స్ రోడ్డెక్కటానికి రెడీ అయ్యాయి. ఇవి విజయవంతం అయితే.. మరిన్ని వాహనాలను తీసుకోనున్నారు.

… ఓ ప్రైవేట్ కంపెనీ తయారు చేసింది. పోలీస్ శాఖ ఓకే అంటే.. ఇలాంటివి మరిన్ని తయారు చేసి ఇవ్వటానికి రెడీగా ఉంది.

సహార ఆస్తులు అటాచ్ మెంట్ చేయండి: సుప్రీం

సహరా కేసుపై సుప్రీంకోర్టులో విచారణ జరిగింది. మహారాష్ట్రలోని పుణె లో ఉన్న ఆంబే వాలీలోని రూ.39వేల కోట్ల ఆస్తులు అటాచ్‌ చేయాలని ఆదేశించింది. సహారా గ్రూప్‌ చీఫ్‌ సుబ్రతారాయ్‌ ఇంకా చెల్లించాల్సిన రూ.14,779కోట్ల డబ్బు కోసం ఇలా చేయడం అవసరం అని కోర్టు పేర్కొంది. ఫిబ్రవరి 20 నాటికి సమస్యాత్మకంగా లేని ఆస్తుల జాబితా అందజేయాలని కోర్టు సహారా గ్రూప్‌ను ఆదేశించింది. సహారా చెల్లించాల్సిన మిగతా డబ్బు కోసం ఈ ఆస్తులను వేలం వేయాలని కోర్టు సూచించింది. సెబీకి రూ.14,779కోట్లు చెల్లించడానికి సహారా 2019 జులై వరకు గడువు కోరింది. డబ్బు తిరిగి చెల్లించడం కోసం గతంలో కోర్టు ఇచ్చిన విధివిధానాల్లో భాగంగా  సోమవారం సెబీకి సహారా గ్రూప్‌ రూ.600కోట్లు చెల్లించింది. అయినప్పటికీ 2019 జులై వరకు గడువు చాలా ఎక్కువ సమయం అవుతుందని… కాబట్టి ఆస్తులు వేలం వేయాలని కోరుతున్నట్లు తెలిపింది. తదుపరి విచారణను ఫిబ్రవరి 20కి వాయిదా వేసింది. సుబ్రతారాయ్‌ పెరోల్‌ను మరోసారి పొడిగించింది కోర్టు. ఆయన గతేడాది మే నుంచి పెరోల్‌పై బయట ఉంటున్నారు.

సిమ్ కార్డ్ పై సుప్రీం కీలక ఆదేశాలు

అప‌రిమిత సిమ్ కార్డుల‌తో నేరాలు ఎక్కువ అవుతున్న నేప‌థ్యంలో సుప్రీం కోర్టు కీల‌క వ్యాఖ్య‌లు చేసింది. ఇక‌పై ప్ర‌తి సిమ్‌కార్డును ఆధార్ నంబ‌ర్‌తో లింక్ చేయాల్సిందిగా కేంద్ర ప్ర‌భుత్వాన్ని ఆదేశించింది. ఈ ప్ర‌క్రియ‌ను ఏడాదిలోగా ముగించాల‌ని కోర్టు ప్ర‌భుత్వాన్ని కోరింది. సిమ్ కార్డు వినియోగించి ఎలాంటి నేర‌పూరిత చ‌ర్య‌ల‌కు పాల్ప‌డ‌కుండా పాలసీని నిర్దేశించాల‌ని మోడీ సర్కార్‌ను దేశ అత్యున్న‌త న్యాయ‌స్థానం ఆదేశించింది. ఒక‌రి పేరుతో ఉన్న సిమ్ కార్డును మ‌రొక‌రు నేర‌కార్య‌క‌లాపాల‌కు వాడుతుండ‌టం, సిమ్ కార్డు ఇచ్చేముందు ఎలాంటి ధృవీక‌ర‌ణ మెకానిజం ఉండ‌టం లేద‌ని లోక్‌నీతి అనే సంస్థ ప్ర‌జావాజ్య ప్ర‌యోజ‌నం పిల్ కోర్టులో దాఖ‌లు చేసింది. వివ‌రాల‌ను ధృవీక‌ర‌ణ చేయ‌క‌పోవ‌డం వ‌ల్ల దేశ‌భ‌ద్ర‌త‌కు ముప్పు వాటిల్లే అవ‌కాశ‌ముంద‌ని పిల్‌లో లోక్‌నీతి పేర్కొంది. దీనిని సుప్రీంకోర్టు చీఫ్ జ‌స్టిస్ జేఎస్ కేహ‌ర్ ఆధ్వ‌ర్యంలోని బెంచ్ విచార‌ణ‌కు స్వీక‌రించింది. మొబైల్ స‌బ‌స్క్రైబ‌ర్లంతా త‌మ డీటెయిల్స్‌ను స‌మ‌ర్పించాల‌ని, మొబైల్ నంబ‌ర్‌ను ఆధార్ నంబ‌ర్‌తో అనుసందానం చేసుకోవాల‌ని ఆదేశాలు జారీ చేసింది. రీచార్జి చేసుకున్న ప్ర‌తిసారి విధిగా ఓ ఫామ్‌ను నింపి స‌బ్మిట్ చేయాల‌ని సుప్రీంకోర్టు ఆదేశించింది. దేశంలోని మొబైల్ స‌బ్‌స్క్రైబ‌ర్లంద‌రినీ గుర్తించి వారి వివ‌రాల‌ను ధృవీక‌రిస్తామ‌ని కేంద్రం కోర్టుకు తెలిపింది. ఇందుకోసం కొత్త పాల‌సీని ప్ర‌వేశ‌పెట్టి ఓ సంవ‌త్స‌రంలోగా పూర్తి చేస్తామ‌ని సుప్రీం కోర్టుకు వివ‌రించింది కేంద్రం.

సానియా టెన్నిస్ అకాడమి ప్రారంభం

హైదరాబాద్ ఫిలింనగర్‌లో సానియా మిర్జా టెన్నిస్‌ అకాడమీని సానియా ప్రారంభించారు. సానియా ఇంటికి దగ్గర్లో టెన్నిస్‌ అకాడమీ ఏర్పాటు చేశారు. ప్రారంభోత్సవానికి ఎమ్మెల్సీ యాదవరెడ్డి, రాష్ట్ర క్రీడా ప్రాధికార సంస్థ ఎండీ దినకర్‌ హాజరయ్యారు. ఐదేళ్లలోపు చిన్నారుల కోసం అత్యాధునిక ఏర్పాట్లతో అకాడమీ ఏర్పాటు చేశారు సానియా మిర్జా.

భూమికి తప్పిన పెనుముప్పు

భూమికి అతిపెద్ద ముప్పు త‌ప్పింది. ఫిబ్ర‌వ‌రి 2న ఓ భారీ ఉల్క భూమికి అత్యంత స‌మీపంగా వ‌చ్చి దిశ మార్చుకున్న‌ట్లు ఆల‌స్యంగా బ‌య‌ట‌ప‌డింది. ఈ విష‌యాన్ని నాసా అధికారులు ధృవీక‌రించారు. ఒక డ‌బుల్ డెక్క‌ర్ బ‌స్సు ప‌రిమాణంలో ఉండే ఈ ఆస్ట‌రాయిడ్ ఫిబ్ర‌వ‌రి 2 రాత్రి 11 గంట‌ల స‌మ‌యంలో భూమికి చంద్రుడికి మ‌ధ్య‌లో అత్యంత వేగంగా దూసుకొచ్చింద‌ని నాసా వెల్ల‌డించింది. భూమికి చేరువ‌య్యే క్ర‌మంలో ఉల్క వేగం  సెక‌నుకు 11.56 కిలోమీట‌ర్లుగా ఉన్నట్లు నాసా వ‌ర్గాలు పేర్కొన్నాయి. దీని క‌క్ష్య శుక్ర గ్రహం కక్ష్య నుంచి అంగారక గ్రహ కక్ష్య వరకు విస్తరించి ఉందని వెల్లడించింది.

జనవరి 24న పరిమాణంలో  కొంచెం తక్కువగా ఉన్న ఆస్టరాయిడ్ భూమికి మ‌రింత చేరువ‌గా వ‌చ్చింద‌ని నాసా తెలిపింది. మొత్తంగా ఒక ఏడాదిలో ఇలాంటి నాలుగు ఉల్క‌లు భూమికి చాలా ద‌గ్గ‌ర‌గా వ‌చ్చాయ‌ని నాసా శాస్త్ర‌వేత్త‌లు తెలిపారు. ఒక‌వేళ భూమిని ఢీకొట్టి ఉండిఉంటే భారీ న‌ష్టం వాటిల్లేద‌ని శాస్త్ర‌వేత్త‌లు అభిప్రాయ‌ప‌డుతున్నారు.

మ‌ళ్లీ ఇదే త‌రహా ఉల్క ఈ ఏడాది చివ‌రిలో అంటే డిసెంబ‌ర్ 28న భూమికి అత్యంత ద‌గ్గ‌ర‌గా వ‌స్తుంద‌ని …. ఆ స‌మ‌యంలో ఉల్క ప్ర‌యాణించే వేగం చాలా ఎక్కువ‌గా ఉంటుంద‌న్నారు. ఒక‌వేళ ఆ ఉల్క భూమిని ఢీ కొడితే మాన‌వ మ‌నుగ‌డ ప్ర‌శ్నార్థ‌కంగా మారే అవ‌కాశం ఉంద‌నే అనుమానం వ్య‌క్తం చేస్తున్నారు శాస్త్ర‌వేత్త‌లు.

SCAMకు మోడీ కొత్త అర్థం

ఉత్తరప్రదేశ్ లో స్కామ్ కు వ్యతిరేకంగా బీజేపీ పోరాడుతోందని ప్రధానమంత్రి నరేంద్రమోడీ చెప్పారు. దానికి కొత్త భాష్యం చెప్పారు. SCAM అంటే… S సమాజ్ వాదీ పార్టీ, C కాంగ్రెస్ పార్టీ, A అఖిలేష్ యాదవ్, M మాయావతి అని నిర్వచించారు. యూపీలోని మీరట్ లో ఎన్నికల ప్రచార సభలో మోడీ మాట్లాడుతూ.. ఉత్తర్ ప్రదేశ్ రాష్ట్రం అన్ని విధాల అభివృద్ధి జరగాలంటే బీజేపీకి ఓటెయ్యాలని ఆయన ఓటర్లకు పిలుపునిచ్చారు. 1857 సిమపాయిల తిరుగుబాటు జరిగిన మీరట్ నుంచే  స్కామ్ లకు వ్యతిరేకంగా పోరాటం చేయాలన్నారు మోడీ.